Subvención para a adquisición de ordenadores persoais para traballadores autónomos

A Xunta de Galicia ven de aprobar o Plano Estratéxico Galego da Sociedade da Información (PEGSI) 2007-2010, coa misión de contribuír activamente ao desenvolvemento sustentable de Galicia, de xeito que se garanta de forma real a compatibilidade entre o crecemento económico, e a creación de emprego de calidade, os maiores niveis de progreso e cohesión social no conxunto da cidadanía galega, e a preservación do medio ambiental, cultural e lingüístico propio.

O PEGSI 2007-2010 estrutúrase nun conxunto de estratexias operativas, entre as que se atopan, dúas estratexias de fondo contido empresarial. En primeiro lugar a estratexia destinada á “Aplicación das Tecnoloxías da Información e as Comunicacións (TIC) polo Tecido Empresarial”, co obxecto de que as Pemes, entre as que se atopan os traballadores por conta propia, adecúen o seu xeito de facer negocio aos novos usos que determina a Sociedade da Información, non só incorporando tecnoloxía, senón en moitos casos reformulando os modelos e procesos de negocio. En segundo lugar a estratexia “Interoperabilidade, seguridade e coñecemento aberto” que promove o uso dos estándares abertos para garantir a autonomía tecnolóxica do tecido empresarial galego e fomentar a súa capacidade de innovación.

AVA SOLUCIONES TECNOLÓGICAS, S.L  con C.I.F.: B15845480 e domicilio en Lugar As Galanas s/n - Calo - TEO ( A Coruña ), firmou o convenio de colaboración ca Consellería de Innovación e Industria para a promoción do acceso empresarial á sociedade da información en Galicia entre os traballadores por conta propia dados de alta no réxime especial de traballadores autónomos, con suxeición ao disposto na Lei 38/2003, do 17 de novembro, xeral de subvencións, así como na Lei 9/2007, do 13 de xuño, de subvencións de Galicia.